Maulana Ali Abbas Khan
User Pic
Name: Maulana Ali Abbas Khan
Age: 40
Location: Qom, Iran
Expertize: Fiqh, Usool, Kalam e Islami, Philosophy and Irfan
Question:Jaysay kay shadi kay card ya kisi aur paper par quran ki ayat ya nabi aur imam kay nam likha hota hay kya ham us paper ko jala saktay hay taki kisi kay payro may na ay y baydbi na ho kya aysa karna sahi hay ?
ya un paper ka kya kiya jay please batay?

Ayatollah:Sistani

Answer: Hargiz jalana jaez nahi hai
Aap un pepars ko ya to barish me rakh den taki uspar likha hua mit jae ya kisi aysi jagah deden jahan usse dobara kaghaz ya dafti banae jati ho
Question:Agar kisi ladki par roza wajib ho gaya ho maslan vo 9 sal ki hui hay aur uskay ma baap usay roza rakhnay say mana kar rahay h k bachi ho abhi to aysmay kya kiya jay kya bachi bina batay roza rakh sakthi hay kuki vajib hay aur ma baap ki atat bhi vajib hay to kon say fail anjam diya jay

Ayatollah:Sistani

Answer: Haram kam me Maa Bap ki itaat wajib nahi hai,
Roza Allah k hukm hai uske aage kisi k hukm nahi chalta, agr Waldain mna kar rahe hain hain to to beja mna kar rahe hain, larki par Roza wajib hai lehaza usko rakhna hai
Question:Ek intehai azeez dost ki wafaat k baad main zehni pareshani aur anjaane khouf main mubtala hon aur ek kaifeyat jisay angrezi main 'Depersonalisation/Derealization' kaha jata ha us se bhi guzar rha hon.
Dar haqeeqat mein maazi main ek sangeen gunah ka murtakib hua hon..kyunke mene ek Syed larkee se nazeba guftugu kee..aur mjje is baat ka andesha ha k ye mere isi gunah k bayas ha. Main is gunah pr intehai naadim hon. Aap is takleef se nijaat k lie meri rehnumai farmayen.

Ayatollah:Khomeini

Answer: Gunah ki wajah se khufe khuda me rahana achchi chez hai lekin ye halat aysi bhi nahi hona chahye jiski wajah se zindagi par asar pare, is Halat se nikalne ke liye ap chant kam karen:
1. Is bat par ghor karen ki Allah Arhamor Rahemeen hai agr apne sachche dil se maafi mangi hai to wo zaroor maaf kar chuka hai.
2. Jis khatoon se apne bad-kalami ki hai agr mumkin hai aur usme koi aur badnami ka khof nahi hai, to unse Mazerat karke unko razi kar len.
3. Jitna mumkin ho ziyada se ziyada Salwat paren.
4. Shabe juma Duae kumail bhi apko sokun ata karegi
5. Namaze subh ke bad right hand Qalb bar rakh kar 70 times kahye: ya Fattah
Question:Kia hamare yaha bhi moharram ki 1 date se 9 moharram tak roze rakhe jate hai
agar ha to unki niyat kia hogi

Ayatollah:Sistani

Answer: Ji Moharram ke 1st se 9th tak ka Roza Mustahab hai
Niyat: Jis date ka Roza hai us din ke lehaz se niyat kare Qurbatan elallah
Total 159 Questions 1 2 3 4 5 6 7 8 9 10 11 12 13 14 15 16