Maulana Qasim Rizvi
User Pic
Name: Maulana Qasim Rizvi
Age: 45
Location: Sydney
Expertize: Any General related queries
Question:ek quest tha ke meri beti 9th year ki baligh ho gayi hain to ab usko par shariyat ke arakan vajib ho chuke hain aur ab usko koi mukallid ki taklid karvani hain to Kaise karaye aur ab ye 9th year ki ho gayi to ab kaise age ka plane continue rakhna padega aur taklid ka process Kya hain vo bhi batana

Ayatollah:Sistani

Answer: Baligh hone namaz roza Degar ibadaat wajib ho Jati hain
Sath Taqleed bhi
Taqleed Ki niyat karni hogi jis marja Ki Taqleed kar Rahi hain
Main ..... marja Ki Taqleed furu e deen me karti hon wajib qurbatan ilallah
Aur us marja Ki tauzeehul masayel rakhein aur usko padhein aur rulings Ko wahan Se hasil karein
Ek aakhir bat ke 9 years Islamic hisab Se yane lunar calendar Se solar Se nahi yane agar aapne English date of birth Se calculate kiya hai tu har sal ke 11 days ke hisab Se 99 days pahle baligh hogai hogi
For example 28 may Ko 1 ramazan Thi Kisi date of birth 28 may hai tu 99 days back kare tu 8 February 11 jamadiul awwal aapki Beti Ki Islamic date of birth Hoi aur woh us din baligh Hoi hai
Question:Zameene Karbala Jannat Ka Tukda Hai.
Kya Ye Tukda Imam Hussain AS Ki Shadat Ke Baad Hua.
Ya Imam Hussain AS Ki Shahadat Ki Manasbat Se Ye Pahlehi Se Jannat Ka Tukda Tha.

Ayatollah:Sistani

Answer: Karbala Ko Khuda Ne muntakhab pahle kar Liya Magar yeh Ezaz use imam Husain as Ki shahdat ke sabab hasil howa hai
Question:Alim Deen Ke Ehteram Me Kya Kya Kare?

Hath ko chume Peshani chume etc

Ayatollah:Sistani

Answer: Yeh sab bhi tareeqe ehteram ke hain
Magar sab Se important unki bat Ko Sune Jub woh Bol rahe hon tu unki bat pura hone dein
Sawal sekhne ke liye karein test Karne ke liye na karein awaz buland na karein
Yeh kuch batein hain in par amal sab Se badi respect hai
Question:Masoomeen asws ki wiladat ya eid e ghadeer ke khushi me momeneen ka ek dusre ke chehre par Chamki ( glittering coloured powder) jesi chize Lagana Kaisa hai?

Ayatollah:Sistani

Answer: Bus yeh Khayal rahe ke wudhu aur ghusl me mushkil na pesh aaye aur sath hi koi khilaf e shariat kam na ho ya glitter me Najis particles shamil na hon
Question:Q-jb imam hussain jang kr rhe the to hum log bhooke rhte hai.jb wo shahed ho gye the to hum log faqa shikani krte hai.

Ayatollah:Sistani

Answer: Yeh sirf apni taraf Se mohabbat Ka izhar hai shahdat ke bad unko nazr karke Faqa shikni Ki Jati hai agar koi zyada der tu bhooka rahna chahe rah sakta hai
Question:namaz Jamat me Agar deer hori jo or namaz ka afzale waqt nikala jaraha ho to kya kre?
furada padhe ya Jamat ka intezar kare?

Ayatollah:Sistani

Answer: JAMAT Ka sawab bahut zyada hai agar 10 namazi ho jayein tu phir iska hisab farishte bhi nahi kar sakte sirf iska hisab Khuda hi kar sakta hai is etebar Se JAMAT Ka Intezar kiya jaye
Albatta yeh koshish zaroor honi chahiye ke JAMAT ke Qayem Karne me zyada der na Ki jaye
Question:namaz e mayyat bina wuzu ke padh skte hai? iski tafseer kya hai
wjh kya hai

Ayatollah:Sistani

Answer: Kyonke janaz e Ko jald dafan Karne Ka hukm hai taharat Ki condition Ki wajah Se Janaza pada na rahe
Question:Q.1 hazarat mohammad (s.a.w.s) aur janabe khadija (s a) ka akd kab hua tha
Q.2 hazrat mohammed (s.a.w.s) ke grand father janab abd.muttalib (a.s ) ki death koun si tarikh ko hui thi .

Please answer with ref.

Ayatollah:Sistani

Answer: Walaikumussalam
1- Hazrat Rasul e Khuda saw Ki shadi Hazrat Khadija as Se 10 Rabiul Awwal ta 27 jamadiul awwal Ko Hoi
2- Hazrat Muttalib as Ki wafat 8 Amul feel Ko Hoi jab Rasul saw 8 sal ke the
Wassalam