Maulana Syed Abul Qasim Rizvi
User Pic
Name: Maulana Syed Abul Qasim Rizvi
Age: 45
Location: Sydney
Expertize: Any General related queries
Question:Mera sawal hai k (REMOVED) ka aqeeda hai k hazrar muhammad s.w.w bashar thay. Aur wo kehtay hain k agr noor hotay to kia noor ki olad hoti hai kia noor ki biwi hoti hai ? kia noor ko takleef ho skti hai? aise sawalaat krtay hain wo .Is ka sahi jawab dalail se kaise dena chahye .

Ayatollah:Sistani

Answer: Rasul noor hain Magar Khuda ne bashar ke paikar me bheja hai Magar aam insano ki tarah nahi hain unko wahy aati hai
Is Aayat ko paish kar Sakte hain
قُلۡ اِنَّمَاۤ اَنَا بَشَرٌ مِّثۡلُكُمۡ يُوۡحٰٓى اِلَىَّ اَنَّمَاۤ اِلٰهُكُمۡ اِلٰـهٌ وَّاحِدٌ
Question:Jab hum ziyaraton pe gaye thay to wahan ek nageenay walay ki dukaan thi wo dukaandar hamara naam aur walida ke naam se kuch calculations karke hamara star batata tha ye star daily horoscope se alag tha and hamari general characteristics bata deta tha...aur jo batata tha wo sahi hota tha..phir hamey jo pathar pehenney chahiye hain and jo surah ziada parhni chahiye hain wo batata tha...kia in sab baaton pe yaqeen karna theek hai?

Ayatollah:Sistani

Answer: Nahi is par yaqeen jayez nahi hai Waise Aqeeq Firoza Aur Durre najaf in paththaron ko paheniye kisi cancelation ya stars ko dekhne ki zaroorat nahi hai
Question:What are some acts I can do while I’m menstruating so my imaan doesn’t drop?

Ayatollah:Sistani

Answer: You may do zikr , recite tasbeeh but don’t hold the tasbeeh on which name of Allah and masoomeen written
At the time of namaz you may sit on musallah and spend time in zikr and you can read books about ahlul bait as but don’t touch the Aayat and name.
Question:Maulana Quran mei han wajid sajda ata hai toh kya lazim hai k hum sajda zamin per hi kare dakhle tarike kabhi kabhi hum car mei quran pad rahe ho aur wajib sajde wali ayat ajae toh kya kia jae ishare sajda ya ghar jake phir se ayat pad k sajda kia jae?

Ayatollah:Sistani

Answer: G Han lazim hain Zameen par sajda karein jis tarah aam Sajde kiye jate hain bus taharat Aur Qible ki shart nahi hai Magar Qibla rukh sajda karna behtar hai fauran sajda karna zaroori hai agar car me hain tu Aayat e sajda is waqt na padhein ghar ja kar padhein aur sajda karein
CD ya recording sunne par sajda wajib nahi hota Magar agar live hai tu sajda wajib hoga
Question:Mera sawal h ki kal me mjlis me gai to waha hadiskha ne padha be namazi se taluk na rakho use salam na kro.usse duri bnao.agar shohar hi be namazi ho to kya kre.

Ayatollah:N/a

Answer: In tamam ahadith ka maqsad Namaz ki ahmiyat ko Batana hai Kyonke namaz deen ka sutoon (pillar) hai
Magar deen ka hukm hai bat ko hikmat Aur aql ke zariye samjhaya jaye is liye bahot achi tarah se shauhar ko namaz ki ahmiyat samjhaiye ke Khuda ka hukm hai wajib hai Imam Ali as ne maidan e hang me padhi imam Husain as ne Karbala me kin halaat me Namaz padhi inshallah woh samajh jayenge
Question:Mera sawal ye hi ki mard aurat ko dhamki dete talaq ki kya aurat kk haq nh h wo talaq de de.shohar agar be deen be namaZi ho roza na rakhta ho khums na nikalta ho zakat us pr wajib ho.to aurat kya krna chahiye.khuda ki marzi man kr use apna marzi krne dena chahiye.

Ayatollah:N/a

Answer: Shauhar ka Dhamki dena Sahi nahi hai yeh rishta mohabbat Aur Mawaddat ka hai ahle bait as ki zindagi ko namoona e amal qarar de kar khushhal zindagi basar karein.
Taalaq ya khula masale ka hul nahi hai bulke iske bad Masayel shuru hote hain be deen ya be namazi shauhar ko deendar banane ki koshish karein local ulama Aur khandan ke buzurgo se madad lein.
Hazrat Aasiya ki misal maujood hai.
Bulke jo taqat Aur energy log rishte ko khatm karne me lagate hain uski aadhi rishta bachane me kharch karein tu Ghar jannat bab jayega