Hamari ek rishtedar momina hai jo bahut hi parhezgar aur ibadat guzar hai. Unke yahan har mahine ki pehli jumerat ko Maula Abbas (A.S) ke naam se nazr dilayi jati hai.

Haal hi me sunne me aaya hai ki unke upar mahine ki pehli jumerat ko Maula Abbas (A.S) ki haziri hoti hai. Jab aisa hota hai, log unke paas apni haajaat aur pareshaniyan lekar jate hain.

Mujhe samajh nahi aa raha hai ki mai is cheez ke upar yakin karoon ya na karoon. Baraye meherbani mujhe batayen ki kya ye Islami lihaz se sahi hai ya nahi. Kya Maula Abbas (A.S) ya koi bhi Masoom ek mamuli insan par apni haziri de sakte hain? Ayatullah Sistani saheb ka kya hukm hai is baare me?

Ye sari chizen qabile etebar nahi hain.
Maula Abbas a.s apne tamam chahne walon par tawajjoh rakhte hain. lekin hazri aur kisi ke upar ane ka koyi system nahi hota .