Mujhe ek khwab ki tabeer janni hai. Bohut dino se preshan kar raha hai. Samajh nahi a raha kya matlab he iska.
Molana sahab me india se hu. India me ek jagha hai najafe hind dargahe alia jogipura. Yaha imame Ali a.s ka roza hai jaha khud Mola Ali a.s aye the . Uske bad yaha par unke roze ki tameer hue. Mola abbas a.s ka bhi roza hai . Bibi Fatema r.a ka bhi roza hai.
Berhal yaha par me apni ma ko le kar ae hue hu. Unko falij huwa tha right side me 3 sal ho chuke he. Unko yaha laye he take shifa yab ho sake.
Hame 40 din ho chuke he yaha or ham aye bhi the to sirf 40 din ke lye. Yahi pr ek nojwan ladka bhi he jo hazri me mubtila he. Usko kisi jin ki hazri ati he or usne hazri ke doran kuch meri walda se muttalik bate batae jo k bilkul sahi thi. Ek roz wo nojawan ladka aya or us din wo hazri me nahi tha. Usne ek khwab bataya apna jo ke mola Ali a.s ke roze se usko awaz ae thi ke wo khwab wo mujhe bta de.
Khwab ye he or isi ki tabeer janna he ke mola hame kya btana chaha rahe he.
Us ladke ne bataya ke khwab ke andar char kabooter he jo ki 2 brown colour ke mere hath me he. Ek batoor white colour ka mene us ladke ke hath me de dya jisne ye khwab dekha tha or ek kabootar zameen par tadap raha he yani patki kha raha he or uska upar ka hissa kal or niche ka dhad safed he

by

Meri Bahen Allah se Dua karta hoon be haqqe 14 Masoomin aapki Waleda ko Shifa mile. Jahan tak Maula Ali ke Jogipura main aane ki baat hai to aap kaise itne yaqin se kah sakti hain ke Maula Ali (a.s) wahan aaye? Aur Han agar kisi ne khawab dekha to main aapko bata doon ke hamare khawab ki koi hasiat nahin hoti na to us amal karna hamari sharyee zimmedari hai aur na akhlaqi. Sirf aur sirf Nabi aur Imam ke khawab shachche hote hain aur woh uske mutabiq amal kar sakte hain.
Rahi baat in rauzon ki jahan aap aayee hain. To choonke ek daur tha Aimmah ki Ziyarat ( unki haqiqi Qabr) per jana Momenin ke liye bahot mushkil tha is liye hamare buzurgon be india main Shabih e Mazaraat e Aimmah tameer karaya jahan log jayen aur namaz parhen, Imam ki Ziyarat parhen, Dua mange magar afsose ke aaj logon ne in shabih e mazaraat ko kamayee ka zariya bana rakha hai aur. Duniya bhar ke khurafat aur superstitions ka rewaj failaya hua hai. Isliye Khuda ke waste in sab chakkar main mat parhiye aur apni waleda ka koi achche Doctor aur physiotherapist se elaj karaiye aur sath main Allah se Dua mange aur Aimmah se tawassul kijia. Rewayat main hai ke jab hamare Imam Mareez hote they to Bibi Fatima Zahra ( a.s) se tawassul karte they aur Tabib ( Doctor) se dawa lete they ya khud Dawa lete they.
Isliye eh khawab aur uski tabir ko zahen se nikal dijia iski na koi Islamic haisiyat hai aur na is per amal karna aapki sharyee zimmedari hai.