To mujhe ye janna tha ki kya muharram mein black kapde pehen na zaruri hota hai?

Allah (swt) aapko jazaye khair enayat kare. Muharram ka color ya rusumat se utna ghahra rishta nahin hai jitna eh ke mah is baat per ghaur o fikr karen ke Imam Husain a.s ne kis maqsad ke liye apni aur apne aur 72 sathiyon ki jaan ki qurbani pesh ki. Woh kon log they unka jinhone ne Imam ko shaheed kiya aur Yazid jaisa shakhs ( sharab peene wala, zina karne wala, qatl karne wala….) kaise Khalifa ban gaya usko uske walid ne kion khalifa muqarrar kiya. aur uske walid Muawia jaise shakhs ko kisne Damascus ka Governer banaya aur kion? Yoon to har Qaum aur millat main Khushi aur gham ke kuch rusumat hote hain aur ham sabhi uski qadr karte hain. misal ke taur per agar main apne dost ke walid ki mayyet main jaoon aur yellow ya red color ka lebas pahen loon to koi haram kam nahin hai magar us culture aur rewaj ke mutabiq sahi nahin kaha jayega. Muharram main 10 din Imam Husain ke gham ke liye makhsoos hain jiska lehaz shayad sabhi Muslims ko rakhna chahiye. Imam Hussain a.s sabhi ke hain jo bhi Muslaman unke Nana Rasool Allah ka Kalema parhta hai. lehaza zaroori nahin hai insan kala kapda hi pahne magar haan koi aisa kam ya rasm na kare jisse zahir ho ke use Imam Husain ka gham nahin hai.