Maulana Ali Abbas Khan
User Pic
Name: Maulana Ali Abbas Khan
Age: 40
Location: Qom, Iran
Expertize: Fiqh, Usool, Kalam e Islami, Philosophy and Irfan
Question:Agar burqa pr alcoholic liquor gir jaye toh usse kaise paak kre jaise airport wagairah pr alcoholic liquor serve ki jaati h aur ek aurat ne ghalti se humare sr k burqe p gira di

Ayatollah:Sistani

Answer: Jaise har kapra pak kiya jata hai
Najast ke hat jane ke bad aabe jari se ek bar aur aabe ghair jari se 2 bar dhor kar nichor den
Question:Mujhe ye pakka yad nahi ki mai kis age se namaz parh rhi hun shayad 11 ya 12 jabki agha 9 saal pr larkiya baligh ho jati hain to is hisab se meri qaza namaze maximum 3 saal ki hui or namaz start krne k bad bhi mainee bhot namaze qaza ki h us waqt me jinko mai ab ada krna chahti hun pr mujhe yaqeeni taur pr yad nhi ki kitni bad me qaza hui hain to hme kya krna chahiye. Kitni namaze parhni chahiye qaza ki mere sari namaze ada ho jae?

Ayatollah:N/A

Answer: Apko jitni bhi namazon ke Qaza hone ka yaqeen hai bas usko ada kijye. Jaise apko 3 Saal 4 months ki namazo ke Qaza hone ka yaqeen hai aur 5 aur months ke bare me shak hai ki shayad 3 Saal 9 months ki namazen Qaza hain to ap 3 Saal 4 months ka Namaz Qaza kar len
Question:Mujhe ye puchna h ki agar koi na mehram se deeni bat ya koi mashwara le to kya gunah h? Mera matlb mujhe pata h ki wo namehram h or unka kisi personal matter me dakhal nahi h lekin wo educated h or ilm or akhlaq rakhte hain to kya unsd pucha ya unki raae li ja skti hai?

Ayatollah:N/A

Answer: Agr gunah me parne ka khatra na ho to bat ki ja sakti hai
Question:Janabe Fatima Zehra or Maula e Qainat a.s shauhar or zauja the. Islam me shauhar ko zauja ki hifazat krne k liye hukm diya gaya hai. Mera sawal ye h ki jab Janabe Fatima Zehra s.a darbar me gai to Maula Ali a.s unke sath kyu nahi gae?


Ayatollah:N/A

Answer: Agr Maula a.s. jate to
1. Unpar Khilafat mangne ka ilzam lagta
2. Unki Mazlumiyat samne na aati.
3. Unko qatl karne ka bahana banaya jata
etc
Question:Kya khaliq k mahine me shadi ho sakti h? Agar nhi ho sakti to kyu or agar khaliq k mahine me shadi ho to kya faide or nuksanaat h?


Ayatollah:N/A

Answer: Bilkul ho sakti hai. Ahle Bait as ke gham ki dates ko chor kar aur qamar dar aqrab ke alawa har din shadi ho sakti hai
Question:Hme ye puchna h ki kya 14 sitare ek motbar kitab nhi h? Usme jo imame zamana ajtf k bare me likha h kya uspe puri tarah se yaqeen nahi kiya ja sakta?

Ayatollah:N/A

Answer: 14 Sitare me har Riwayat Motabar bayan nahi ki gae hai lehaza uski har riwayat par ankh band karke bharosa nahi kiya ja sakta.
Question:Jab hmlog ye jante h ki janabe Fatima k qatil kaun h to hm log khul kr unka naam kyu nahi lete?

Hmne 14 sitare se kuch riwayate janabe Fatima s.a k sath jo ziadti hui h is hawalee se social media pr share kri h? kya hmne kuch galat kiya agar usme hmne sab kuch clearly likha h ki kisne kya ziadti kri janabe Fatima ke sath please batae

Ayatollah:N/A

Answer: Aaj jo zaman hai usme islam Dushman log asl Islam ko khatm karne me lage hain aur ek rasta jo un logon ne nikala hai aur usme ek had tak kamyab bhi hue hain wo Muslims ke darmiyan ikhtelaf dalna aur unko apas me ladwana hai.

Tabarra aur Ahle Bait as ke Dushmano par lanat karna wajib hai lekin har kam ka ek style aur Tariqa hota hai jaise Namaz wajib hai lekin jaise hamara dil chahe nahi par sakte balke dekhna parega hamara Mujtahid kyse btata hai to hum Tabarra karenge lekin wayse jaise hamara Mujtahid ijazat dega na jis tarah hamko sahi lagega.

Ahle Bait as aur Olama ne hamesha khul kar aur is tarah jo Muslims me ikhtelaf ka sabab ho ayse Lanat karne ko mana kiya hai aur unki Dua aur Rewayat me bhi is kam ko bahot ehteyat se anjam diya gya hai.

Kisi ke zalim hone ka Aqeda rakhna aur Dil me usse bezar hona ek chez hai par isko khul kar bayan karna ek alag chez hai.

Apne jo Ahadees post ki hain agr unse Muslims me ikhtelaf paida ho aur dushman uska faeda uthae to beshak Apka kam ghalat hai
Lekin agr apne band alfaz me apni bat kahi jisse bat bhi kah di aur kisi dushman ko bhi garbar karne ka Mauqa nahi diya to apka kam behad umda hai
Question:Ka ek larki apne meher me ek rakam k alawa kuch or nahi mang sakti maslan jaise karbala ki ziarat maang le haj umrah mang le ya aage deeni or duniyawi parhai krne ki ijazat mang le?
Please is bat ko wazeh kijiye ki meher me kya kya manga ja sakta h?

Ayatollah:N/A

Answer: Mehr me har wo jiski maliyat ho aur wo chezen jo apne arz kin sab mangi ja sakti hain. Koi Haram kam ya ghyre share chez nahi mangi ja sakti
Total 209 Questions 1 2 3 4 5 6 7 8 9 10 11 12 13 14 15 16 17 18 19 20 21