Maulana Rizwanali Palsania
User Pic
Name: Maulana Rizwanali Palsania
Age: 40
Location: Mumbai, India
Expertize: General
Question:Kya maut ka waqt fix hai ya situation par depend hai?

Example: Ek shaks ki bimari se maut huwi. Kya agar uski sahi time par dawa mil jati to wo shaks nahi marta?

Please explain the answer with example, also quite quranic aayat if any.

Ayatollah:Sistani

Answer: Maut 2 tarah ki hy:
Hatmi maut means khuda k vaha ek shakhs ki zindagi likhi hy.
Aur dusri maut haalat ke etebar se. Exp. Hadis me hay ke agar koy sadka deta hay to uoos ki maut dur ho jato hay. Aur suara exp. Agar koy rishtedaro se rishta tod de to maut ka agar waqt nahi huva tab bhi insan mar jata hy.
Mukhtasar k hatmi maut se kam log marte hay. Apne bure amal ke zariye zyada maute hoti hay.
Question:Aksar log sote waqt sar par hair oil lagate hai to kya subah (fajr) ki Namaz ke liye wuzu kar sakte hai ya sar ko dhona zaruri hai?

Ayatollah:Sistani

Answer: Agar wuzu karte waqt tel ki itni chiknai ho ke pani pahonchaneme rukavat bane to chiknai dur karni chahiye.
Question:Mai jab subah namaz ke liye utha to mujhe yaqeen tha ke azaan nahi huvi to maine paani piya aur khazaaye umri ke roze ki neeyat bandli. Uske baad mai jo waqt ke namaz ke pahucha aur waha ke mauzin se waqt pata kiya to time azaan ka 4 bajke 11 min tha aur aur mai paani 4:12 ko piya tha. Kya mera roza sahi hai?

Ayatollah:Sistani

Answer: Agar tehqiq nahi ki aur aap ne aysa kiya hay to faqat roze ki qaza karna hogi.
Question:Kya music sunna haraam hai. Agar kabhi drive karte waqt neend ke wajah se sunna agar chaahe to. Aur kya Music sunne se hamari namaz qubool nahi hoti hai aur kya hamari haajat puri nahi hoti hai?

Ayatollah:Khamenei

Answer: Music haram hay. Insan jab haram kaam karta hy to khuda uoos ki dua qabul nahi karta.
Question:Mujhe ek bahot badi mushkil aa ladi hai aur usse najaat chahti hu. Lya please koi amal bataiye jisse meri mushkil hal ho.

Ayatollah:Khamenei

Answer: Hamare pas 14 masumin a.s behtarin wasila hy.
Uoos ke liye bahut se aamal hay.
Namaz ki awwale time ki pabandi.
Namaze shab
Ziarate ashura
Hadise kisa.
Zyada se zyada durud padhe
Zyada se zyada qatilane ahlebait a. s. Pr lanat bheje.
Khuda ko 14 masumin a.s ka wasta de duao me. Aur sajde me dua kare. Aankh me aansu aaye.
Question:Agar moharam ke baad navi ke din naya kapda pehenna chahe to uski shopping ayyame azaa me kar sakte hain?

Ayatollah:Sistani

Answer: Haraam nahi hay lekin gham ke dino me zaruri ho jaye kharidna to koy haraj nahi hay
Question:Meri wife kafi achi he or woh mere ghar ki zimmedari bhi nibhati hai. Muje shadi ko X mahine hue hain. Bus ek p mai pichle X mahino se us pe gussa karta hun woh rone bhi lagti hai. Baat yeh hai ki wo har teesre ya chauthe din apne mayke jati hai aadhe din ke liye. Is bat pe mai rok lagata hun. Har baar mai use jane deta hun qyu ki agar mana karunga toh woh zada din tak mera farman nay man paygi or shayad meri marzi ke khilaf ghar chali jaye. Iske alawa roz apne ghar pe fone pe bat bi krti hai. Khuda janta ha mai ladki or parents ke milne ki khilaf ny hun. Agar 10 din me ek bar jaye to thik h, agar 2 se 3 din me ek bar fone aye to bi mai razi hun. Lekin agar mai is chiz se khush rhunga to yeh silsila humesha yunhi chalega or woh is chiz ko kam nay kregi. Agar woh mere faisle pe khush rhegi to mai use khush rakhunga lekin agar muje koi kaam nay pasand or wife wohi kare to mere liye mushkil hoga use har chiz dena or shayad nafarmani ki wajah se mai use chod bhi dun. Please koi hal batayen.

Ayatollah:Sistani

Answer: Aap apni wife se bahut mohabbat karte hay. Aur aap ki biwi bhi isi tarah se.
Aap uoos mohabbat ko istemal kar k diplomatic tarike se samjhaye aur apni mohabbat ka uoos k samne izhar bhi kare. Problem solve ho jayega.
Question:Mai kuch saal se khums nikaal ra hun. Iss baar ki taariq aane se pehle yeh hua k maine 20 hazaar ek shaqs ko udhar k taur pe de diye.
1) Toh in paiso pe bhi khums nikaalna hoga ya agar khums nikaalne ke kuch din baad agar wo shaqs muje paise lautay to kya us waqt nikaalna hoga?
2) Har mahine mai kuch paise apni wife ko deta hun. Kya khums ki tariq ke din wife ke paas jo paise jama honge jo mere hi diye hue hain unpar bhi khums wajib h?

Ayatollah:Sistani

Answer: 1) Jab aap ke pas aayenge tab nikalna hoga.
2) Ji ha wife ke paas bhi raqam bachat shumar hogi. Uoos par bhi khums hoga.
Question:Pichle kuch saal se mai sehme Imam kii raqam mere nazdeeq ek madressa me deta hun. Ab iss baar wahan ke maulana muje baar baar message karke meri tabiyat puchte hain. Woh kabi message nay karte lekin ab jab khums ki tariq qareeb hai to muje baar baar khairiyat puch rahe hain. Kabi unhone aise muje yaad nay kiya. Unka muje matlab pe yaad karne se mera dil aage piche hora hai or mai soch raha hun ke iss baar mai khums kahin or de dun. Mujhe unpar doubt araha hai ke woh mere paison ka sahi istemaal nay karenge. Please help

Ayatollah:Sistani

Answer: Aap ko jaha par itmenan ho aur shariyat ke mutabik ho to vaha par aap de sakte hay.
Jis ko bhi de uoos ke paas aga sistani saheb ka ijaza ho.
Sehme sadat ke liye jo gharib sayed ho aur nek ho uoos ko de sakte hy.
Is ke alawa agar aap bombay rahete ho to Ayatullah al uozma aga sistani saheb ke wakil Hujjatul Islam Ahmed Ali Abedi tak bhi pahocha sakte hay.
Is sab me aap jaha munasib samjhe.
Question:Kabi kabi aisa hota he ke office me khana khate time mere kuch kafir friends kuch apna khana offer karte hain chakhne ke liye kehte hain. Ab iss waqt mai agar inkaar karunga to unko bura lagega. Kabi kabi inkar kar bhi doon lekin agar everytime manaa karunga to unko bura bi lagega or shaq bhi hoga unko. Kya aisi situation me najis khana khaana jayiz hoga?

Ayatollah:Sistani

Answer: Najis khana jayez nahi sivay ke koy sakht majrburi ho. Yani jaan ka khatra ho ya bahut bada nuksan ho. To mumkin hay jayez ho sake.
Total 313 Questions 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32