Maulana Rizwanali Palsania
User Pic
Name: Maulana Rizwanali Palsania
Age: 40
Location: Mumbai, India
Expertize: General
Question:Kya yeh baat sahi hai jab insan ke paas zada paisa hota to Allah ose badi badi bimariyan de deta hai?

Ayatollah:Sistani

Answer: Bada aadmi ka matlab zyada paisa nahi hy achcha kirdar aur taqwa hona chahiye. Aur agar yeh khwahish hay ke zyada paisa ho to uoos me koy kharabi nahi hay agar halal tarike se ho aur jayez uoos se istefada kiya jaye to. Lekin agar khud khwahi aur takabbur karne ke liye yeh khwahish hay to kharab hay.
Question:Agar saatve din khatna na kara payen toh fir kab karai jaay

Ayatollah:Sistani

Answer: Jab chahe karva sakte hy, saatve din sunnat hay.
Question:Agar koiRamazan me quran padhna shuru kare to kya uss par wajib hojata hai ke Ramazan me hi pura quran khalaas kare?

Ayatollah:Sistani

Answer: Aysi koy baat nahi
Question:Kya shauhar kabhi apni wife pe hath utha sakta he? Ose maar sakta hai?

Ayatollah:Sistani

Answer: Nahi, agar ijazat bhi hy to Itna ke surkh ya nila na pade.
Kul mila kar mana kiya gaya hay.
Question:Jab se muje baccha paida hua hai, meri biwi muje time ni de paari hai. Muje lag raha hai ke baccha paida kar ke maine apne khud ko pairo pai kulhadi maar li. Baccha paida kar ke maine khud apni biwi ko khud se duur kar dia. Araam se shadi ko ek do saal baad baccha paida karta taake muje wife ke sath private time to mil pata. Please advise

Ayatollah:Sistani

Answer: Aap khuda ka shukr ke bajaye na shukri kar rahe hy. Jin ke pas awlad nahi uoon se puche. Pure india ke pir baba ki dargah ko chhan dala hoga.
Aap aur bibi dono sath me time nikaliye aur bibi bachcho ke sath reh kar shukre khuda kare.
Question:Maine apni wife ko shadi ke kuch din baad hi meher adaa kar dia. Ab pata chala ke usne woh sare paise apni maa ko de diye or woh chahti he ke woh paise uski maa hi rakh len. Kya yeh sahi hai? Muje khushi jab hogi jab woh paise wife apne par lagae ya uska koi apne liye acha samaan le aaye. Mai jald isliye adaa ni kiye ke woh paise kisi teesre ko pohochen. Please advise

Ayatollah:Sistani

Answer: Aap ne ada kar diya, aap wajebat ada kar chuke.
Uoos ki marzi jaha par kharch kare.
Uoos ka maal hai.
Uoos ki maa ko diya voh bhi behtarin rasta hai kharch ka, jis me bahut sawab hai. Achcha momin neki kar ke khush hota hy. Aap samjhe ke bahut hi badi ibadat aap ke paise se huvi hai, chize lekar barbad nahi huve.
Question:Kya talaq ke baad usi aurat se fir se shadi kar skte hain. Agar haan, toh kya shart hai.

Ayatollah:Sistani

Answer: Talaq khud ek bahut hi bura kaam hai jisae khuda naaraz hota hay. Agar kisi vajah se kisi ne talak de kar Allah, Rasul aur Ahlebayt a.s ko naraz diya hay to Iddat ke dawran ruju kar sakta hay. Is me dobara nikah ki zarurat nahi. Iddat ke baad dobara nikah kiya jana chahiye
Question:Meri wife bohot ziddi hay. Wo muje ungliyon pe nachana chahti hay. Kisi masle ki wajah se wo apne ghar chali gai hay. Mera sawaal yeh hai ke aap muje koi aisa surah bataiye jisse wife ko mujse bepanah mohbat hojay aur ose zidd se zyada shauhar pyara hojay. Aur kya aisa bhi koi surah ya dua hay jisse mujpe jadu ka asar na ho. Qyu ke mere sasural wale ek baba ke paas aate jate rehte hain taake woh log muje bas me karke apni ungliyon pe nachayen.

Ayatollah:Sistani

Answer: Sab se badi chiz apna akhlaq hay.
Jo apne liye pasand karte ho voh biwi ke liye bhi.
Raha sura ka masla to 4 qul aur ayatul kursi zyada padhe. Har namaz ke baad khas taur se.
Compromise se zindagi mithi hogi zidd se bigadti hay.
Question:Agar koi insaan namaz e subh ke baad roze ki halat me najis ho jaye aur jab uski ankh khuli to zohor ka time nikal chuka tha. Aesi surat me uska roza sahi hai ya nahi?

Ayatollah:Sistani

Answer: Roza bilkul sahi hy jab uoothe to faqat gusl anjam de.
Question:Mai abhi unmarried hu aur maine apni bahen ki shadi ke liye kuch paise jama kiye hai. Kya paise ka khums nikalu ya jo meri monthly salary hai uske hisab se khums nikalu?

Ayatollah:Sistani

Answer: Ladki ki shadi ke liye jo rakam ya maal jama kiya jaye aur voh zarurat se zyada ( israf) na kaha jaye to uoos pr khums nahi hay.
Total 313 Questions 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32