Maulana Zameer Haider
User Pic
Name: Maulana Zameer Haider
Age: 33
Location: Karrari, Uttar Pradesh, India
Expertize: Ahkaam, Akhlaq, Tareekh, Aqaed and Adyan
Question:Mujhe 2 din se nazla zukham aur bukhar ha to koe tarik ya dua isse nijaat paane ka

Ayatollah:Sistani

Answer: Doctor se rabta kijiye. Duae noor padhiye
Question:Geebat ki sahi defination kia hai or kis kia tarike se geebat ho sakti hai

Ayatollah:Sistani

Answer: Har wo cheez jo ghair maujud insan ke liye kahi jae ki jab wo sune to naraz ho use gheebat kahte hain. Sirf fasiq logon ki ghibat ho sakti hai. Baqi aur bhi kuch jagah hain jaise kisi ghalat insan ka rishta shareef ladki ko jae aur ladki ka baap aapse ladke ke baare me puche to bata dijiye
Question:Mein bohot pareshan hu. Mere pimples kitne dawa ke baad bhi kuch behtar results nahi aaye. Kya pimples ke liye kuch duwa hai?

Ayatollah:Sistani

Answer: Aabe zamzam me thodi si khake shefa mila kar roz subh 1 spoon pi lijiye aur thoda sa face par lagaen
Question:Mujhe namaz e shab ka sahi tarika janna hai

Ayatollah:Sistani

Answer: Kul 11 rak'at namaz hai
8 rak'at 2/2 kar ke 4 namazen. Namaze shab ki niyat se Namaze subh ki tarah.
2 rak'at Namaze shaf'a bina qunoot. Baqi Namaze subh ki tarah.
1 rak'at Namaze witr jo hamd, tauheed aur qunoot ke sath normal bhi padh sakte hain aur detail me bhi hai ki hamd phir 3 tauheed phir 1 falaq aur 1 surae naas. Phir qunoot me 40 momineen ke liye dua (allahumaghfir le.. Momin ka naam) 70 baar astaghferullah 300 baar alafw. Aur qunoot tamam kar ke puri namaz normal andaz me tamam kar den
Question:Jab ek aurat najees hoti hai to kiya uske body pak rheti hai? Agar ha to phir ham zariye mubarak ya tabbot to q nhi touch kar sakte hai?

Ayatollah:Sistani

Answer: Ji pak rahti hai aur zarih aur taboot touch karna haram nahi hai. Ye hamare yahan sirf ehteram hai. Wo quran bhi utha sakti hai bas uski likhawat touch nahi kar sakti
Question:Kya hum bina t-shirt ya shirt ke matam kar sakte hain?
Agar nahi toh kyu nahi

Ayatollah:Sistani

Answer: Haraam to nahi hai lekin namahram ke samne baher haal ehtiyat kijiye ki body na dikhe. Iske liye kisi daleel ki zarurat nahi hai aap khud bataiye bina lebas ke public place par jana kaisa hai? Room me akele aap bina shirt ke khoob matam kijiye
Question:Baaz aurto ki shikayat milte rehte hai k unka shauhar bada zalim hai aur wo un par zulm karta rehta hai aur Islam ka hukm hai k es zulm par bhe sabr kiya jaye aur ye galat hai.

Es chiz ki wazahat chahta hu.

Ayatollah:Sistani

Answer: Islam ne kab kaha hai ki shauhar ke zulm par sabr karo? Ye to ghar ki aurten samjhati hain jahan doli gai hai ab arthi hi nikle. Islam ye kahta hai ki choti choti shikayton par talaq na lo balki usko hal karne ki koshish karo. Islam ne talaq isi liye rakha hai ki agar koi rasta na bache to ye rasta hai
Question:Me janna chahta hy ke kya wajah hai hum kise chiz ko hasil karne ki dua karte hai us ke liye koshish bhe karte hai aur hamare dua qabool nahi hote aur ham qamyab nahi ho paate?

Kahi ye chiz Khuda se doore kii wajah to nahi?

Ayatollah:Sistani

Answer: Hadees ke etebar se iske different reasons ho sakte hain. Kabhi wo cheez hamare liye munasib nahi hoti to Allah nahi deta. Kabhi Allah ne usse behtar hamare liye taiyar rakha hota hai. Kabhi ham proper way se nahi jate. 3 baar salawat padhiye, apne gunahon ka eteraf phir isteghfar aur apni duaen
Question:Kya Nasibi shaqs jo Ahlebait a.s dushmani rakhta ho najis hai?
Aur hame kise par shaq ho ke ye dushmane Ahlebait hai wo bhe najis hoga?
Aur shaq ki soorat me us shaqs ki Namaz e Janaza me shirkat kar sakte hai? Uske liye Namaz Wehshat wagera pad sakte hai?


Ayatollah:Sistani

Answer: Nasebi jo ahlebait se dushmani ka izhar karte hain wo kafir hain. Unki Namaze Janaza me na jaen. Unki Namaze Wahshat na padhen. Lekin jiske baare me shak ho use nasebi nahi mana jaega
Question:Me es saal 14 we ki padaye kar raha tha. Usme se ek paper me fail ho gaya. Ab college k mutabiq jab tak us paper ko dobara se exam de kar clear na kare, 15 me nahi ja sakte. Lekin esme 1 saal badaba ho jaye aur mere 15 me admission 1 saal baad hoga. Lekin agar college walo ko zyada paisa diya jaye, to wo admission kar dete hai. Kya es tarah se admission karana sahi hoga? Ya kahi doosri jagah paise dekr admission karana kaisa hai?


Ayatollah:Sistani

Answer: Ayatullah sistani ke office se clear kijiye. Mere hisab se to sharei hisab se koi bura nahi lekin akhlaqi hisab se sahi nahi lagta
Total 337 Questions 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34